Өглөө.мн Шинэ өглөө, Шинэ мэдээлэл
Ашигт малтмал газрын тосны газраас шатахууны үнийн асуудлаар /2020.05.26/өнөөдөр мэдээлэл хийлээ.
АМГТГ-ын дэд дарга Ц.Эрдэнэбаяр “Засгийн газрын 114 дүгээр тогтоолд гадаад зах зээл дээрх газрын тосны үнэ буурсантай холбоотойгоор бүх төрлийн шатахууны үнийг 300-400 төгрөгөөр буулгах, цаашид урт хугацаанд үнийг тогтвортой байлгахаар заасан.
Уг тогтоолыг хэрэгжүүлэхийн тулд АИ-92 бензины үнийг найман сарын хугацаанд тогтвортой байлгах ажлыг хийж гүйцэтгэж байна. Энэ хугацаанд Говь-Алтай, Завхан аймгуудад АИ-92 авто бензин нэг литр нь 1,670 төгрөгөөс хэтрэхгүйгээр иргэдийн гар дээр очно. Харин Улаанбаатар хотын хэмжээнд 1,320-1,400 төгрөгийн хооронд АИ-92 авто бензин борлуулагдана гэсэн үг. Өчигдрөөс эхлээд авто бензин, дизелийн түлшний жижиглэнгийн үнэ бууж эхэлсэн. Өнөөдрөөс жигдэрнэ” гэж мэдэгдлээ.
2020 оны тавдугаар сарын 23-ны байдлаар: А-80 авто бензин 50 төгрөгөөр, АИ-92 авто бензин 80-100 төгрөгөөр , АИ-95 авто бензин 200 төгрөгөөр, Дизель түлш 160 төгрөгөөр буурсан.
Улаанбаатар хотын нутаг дэвсгэрт жижиглэнгийн борлуулалтын дундаж үнэ: /Өнөөдрийн байдлаар/
А-80 авто бензин-1,350 төгрөг
АИ-92 авто бензин – 1,360 төгрөг
АИ-95 авто бензин 1,800 төгрөг
Дизель түлш – 1,990 төгрөг байна.
