Өглөө.мн Шинэ өглөө, Шинэ мэдээлэл
УИХ-ын сонгуулийн 18-р тойрог буюу Хэнтий аймагт нэр дэвшигчид иргэнийхээ үүргийг биелүүлж саналаа өгч эхэллээ. Тэгвэл МАН-аас нэр дэвшигч УИХ-ын гишүүн, ЗГХЭГ-ын дарга Л.Оюун-Эрдэнэ Хэрлэн сумын Тэмүүжин цогцолбор сургууль буюу 18-р тойргийн 1-р хэсэгт 10 цагийн үед сонгуулиа өглөө.
УИХ-ын сонгуулийн 18-р тойрогт МАН-аас нэр дэвшигч Л.Оюун-Эрдэнэ:Туурга тусгаар ардчилсан Монгол улсын эрх чөлөөт иргэний хувьд иргэнийхээ эрхийг эдэлж, үүргээ биелүүлж ээлжит 8 дахь удаагийн парламентын сонгуульд саналаа өглөө. Дэлхийн нийтээрээ цар тахалтай амаргүй үе тохиож байна. Өмнө нь Солонгосын ард түмэн түүхэндээ байгаагүй хамгийн өндөр саналыг өгсөн байсан. Үүнтэй адил Монголчууд маань ч гэсэн саналаа идэвхтэй өгч хамгийн өндөр ирцтэй сонгууль байгаасай гэж хүсэж байна.
Залуучууд маань дээлтэй, масктай ирж сонгуулиа өгч байна. Миний хувьд ч гэсэн өнөөдөр үндэсний хувцастай төрийнхөө сонгуульд саналаа өглөө. Сонгууль маань шударга сайхан явагдаж Монголын ард түмэн үндсэн хуулиар олгогдсон эрхээ эдэлж, өөрийнхөө төлөөллийг төрд илгээнэ гэдэг итгэлтэй байна.
