Өглөө.мн Шинэ өглөө, Шинэ мэдээлэл
Баянзүрх дүүргийн нэгдсэн эмнэлэгт коронавируст “Ковид-19” халдварын голомт үүссэнтэй холбогдуулан тус дүүрэгт өнөөдрөөс буюу 21-28-ны өдрүүдэд нийт 19 цэгт 90 мянган иргэнийг PCR-ын шинжилгээнд хамруулахаар болсон.
Шинжилгээг 09.00-17.00 цагийн хооронд зохион байгуулна. PCR шинжилгээнд олон ам бүлтэй, хөдөлгөөнт ажил эрхэлдэг, худалдаа үйлчилгээний газарт ажилладаг иргэд болон халдвар олноор илэрсэн хороо, өвчлөх эрсдэлтэй суурь өвчтэй иргэдийг нэн түрүүнд хамруулахаар төлөвлөж байна.
Иргэн та шинжилгээ өгөхөөр ирэхдээ иргэний үнэмлэх, биеийн байцаалттайгаа ирэхээс гадна халдвар хамгааллын дэглэмээ сайтар сахиж , хүн хоорондын зайгаа барихыг зөвлөж байна.
Энэ хугацаанд Баянзүрх дүүргийн цэгүүдэд бусад шинжилгээг зохион байгуулахгүй гэж Онцгой байдлын ерөнхий газраас мэдээллээ.
Баянзүрх дүүргийн хэддүгээр хорооны иргэд хаана, хэзээ очиж шинжилгээ өгөх нэгдсэн хуваарийг хүргэж байна.
