М.Энхболдын урилгаар улс төрийн намуудын дарга нар уулзана

МАН-ын XXVII дугаар их хурлаас шинээр сонгогдсон МАН-ын дарга М.Энхболд өнөөдөр улс төрийн бусад намуудын дарга нартай нээлттэй уулзалт ярилцлага хийх гэж байна.

Тэрээр эл нээлттэй уулзалтыг санаачлан уриалга хүргүүлсэн бөгөөд уулзалт “Улаанбаатар” зочид буудалд 12.00 цагт болох юм. МАН-ын даргын санаачилсан тус уулзалтаар улс төр, эдийн засагт болж буй үйл явдлыг дүгнэн хэлэлцэж, цаашид хэрхэн хамтран ажиллаж зөв шийдэлд хүрэх талаар харилцан ярилцах ажээ.