“Улаанбаатар-Замын-Үүд” чиглэлд буухиа автобусаар үйлчилнэ

Нийслэлийг аймгуудтай холбох ажлын хүрээнд “Улаанбаатар-Замын-Үүд” чиглэлд буухиа автобусаар үйлчлэхээр болжээ.

Замын-Үүд рүү том оврын автобусаар зорчигчдыг тээвэрлэснээр шинэ ажлын байр бий болгож, галт тэрэгний ачааллыг багасгахаас гадна зорчигчдын цагийг тодорхой хугацаагаар хэмнэх давуу талтай юм.

Энэ чиглэлд үйлчлэх автобусны хувьд 45-аас дээш хүний багтаамжтай люкс ангиллын автобус байх бөгөөд тендер зарлаж, сонгон шалгаруулалт хийх ажээ.