Өглөө.мн Шинэ өглөө, Шинэ мэдээлэл
Дэлхийн эмч нарын өдрийг тохиолдуулан Эрүүл мэндийн сайд асан Т.Мөнхсайхан Улсын нэгдүгээр төв эмнэлгийн Хэрх үе судлал, Үе сэргээх төвийн хамт олонд үений дурангийн мэс заслын аппарат, тоног төхөөрөмж хандивлажээ.
Эрүүл мэндийн сайд асан Т.Мөнхсайхан Улсын нэгдүгээр төв эмнэлгийн ерөнхий захирлаар ажиллаж байхдаа үений дурангийн мэс заслын технологийг тус эмнэлэгт анх удаа нэвтрүүлж нутагшуулсан юм.
2011 онд Солонгос улсад үений дурангийн мэс заслын чиглэлээр суралцаад ирэхдээ иж бүрэн үений дурангийн мэс заслын аппарат, тоног төхөөрөмжийг худалдан авчирч, Монгол улсад анх удаа үений нарийн төвөгтэй олон мэс заслыг хийж, нутагшуулж эхэлжээ.
