Өглөө.мн Шинэ өглөө, Шинэ мэдээлэл
Олон улсын сувилагчдын баярын өдрийг тохиолдуулан ХӨСҮТ-д хувь хүнээс ирсэн 20 сая төгрөгийн мөнгөн хандиваар хоёр сувилагч байрны урьдчилгаатай боллоо.
Тодруулбал ХӨСҮТ-өөс нийт эмч ажиллагсдынхаа орон сууцны нөхцөлийг сайжруулах зорилгоор судалгаа явуулж 525 ажилчид хамрагдсан байна. Харин өнөөдөр сувилагчдын баярыг тохиолдуулан 10 жилээс дээш хугацаагаар тус төвд ажилласан нийт 36 сувилагч, тусгай мэргэжилтнүүдийн дунд сугалаа явуулж хоёр азтанг тодрууллаа.
Азтануудын хувьд ХӨСҮТ-д 30 жил, 13жил сувилагчаар ажилласан хүмүүс байлаа.
ХӨСҮТ-ийн гүйцэтгэх захирал Л.Баттөр: Цаашид эмч ажилчдынхаа ажиллах орчинг сайжруулах, ажлын ачааллыг хөнгөвчлөх, амьдрах орчин хийгээд нийгмийн асуудалд нь дэмжлэг болохуйц олон ажлыг төлөвлөн хийж хэрэгжүүлж эхэлж байна. Та бүхэн минь эрүүл байж энхийн үйлсээрээ эх орноо аюулт цар тахлаас хамгаалах БААТРУУД юм шүү. Энх цагт эмнэлгийн ажилчдын өдрөөр нижгэр сайхан тэмдэглэх боломж гарна гэдэгт итгэлтэй байна.
