ЭМЯ:1309 хүнд (covid-19) халдвар илэрч, таван иргэн нас барлаа

Эрүүл мэндийн яамнаас коронавируст халдвар (covid-19)-ын нөхцөл байдлын өнөөдрийн /2021.07.20/ мэдээг танилцууллаа.

Улсын хэмжээнд сүүлийн 24 цагт 1309 хүнд коронавируст халдвар илэрлээ. Ингэснээр Монгол Улсын хэмжээнд нийт батлагдсан халдварын тохиолдол 149,733 боллоо.

Шинээр илэрсэн тохиолдлуудыг задалбал Улаанбаатар хотод 523, орон нутагт 786 бүртгэгдсэн байна.

Сүүлийн 24 цагт 3501 иргэн эдгэрсэн. Ингэснээр нийт эдгэрсэн хүний тоо 137,602.

Харамсалтай нь сүүлийн 24 цагийн хугацаанд 5 иргэн нас барж, улсын хэмжээнд нийтдээ 745 хүн коронавирусийн халдвараар нас бараад байна.