Өглөө.мн Шинэ өглөө, Шинэ мэдээлэл
Монгол Улсын Засгийн газрын 200 хоногт зориулсан Ерөнхий сайд Л.Оюун-Эрдэнийн ярилцлагын нэвтрүүлэг өчигдөр орой телевизүүдээр цацагдлаа.
Ярилцлагын үеэр Ерөнхий сайд Л.Оюун-Эрдэнэ коронавирусийн эсрэг вакцинжуулалтыг төлбөртэй болгох бодлого баримталж байгаа гэдгээ хэлсэн юм.
Тэрбээр “Вакцинжуулалтад хамрагдаагүй байгаа иргэддээ хандаж хэлэхэд цаашдаа бид вакцинжуулалтыг төлбөртэй болгоно гэж бодож байгаа. Магадгүй он гараад төлбөртэй болох байх. Өнөөдөр хүмүүс вакцин ямар үнэтэй вэ, худалдан авахад хэдэн төгрөг вэ гэдгийг мэдрэхгүй байгаа. Яагаад гэвэл, үнэгүй учраас. Вакцин худалдан авахад Засгийн газар ямар хэмжээний зардал гаргасан бэ гэдгийг ч сайн ойлгохгүй байгаа юм. Магадгүй үнэтэй байсан бол хүмүүс илүү хурдан хамрагдах байсан байж магадгүй. Ийм шүүмжлэл өрнөхгүй ч байсан байж магадгүй” гэлээ.
