Өглөө.мн Шинэ өглөө, Шинэ мэдээлэл
Баянзүрх дүүргийн 10 дугаар хорооны хувьд гэр хорооллын өрх айлууд ихтэй. Тэр ч утгаараа хөдөлмөрч өрх, айлууд тус хороонд их бий. Үүнээс нэг өрхийг онцолж ярилцлаа. Түүнийг М.Дакий гэдэг бөгөөд цар тахал, хөл хорио зэргээс ангид байж өөрийн хашаандаа жимс тарьж, ногоон байгууламжийг нэмэгдүүлж сайхан амьдарч байна.
Тэрээр хэлэхдээ “Хашаандаа жимс тарьж, заримдаа хурааж амждаггүй учраас хөлдөөчихдөг. Хөлдөөсөн жимсээ өвлийн улиралдаа чанаж уугаад ханиад, томуунаас хол, дархлаагаа хэрэндээ дэмжчихдэг” гэж байлаа. Үүгээр ч зогсохгүй хажуу, хашааны айл өрхүүд, гудмаар тоглож нааддаг бяцхан хүүхдүүдэд жимснээсээ өгч, хуваалцдаг талаар ярьж байсан юм.
Иргэн та ч мөн адил өөрийгөө гэр хорооллын бүсэд амьдарч байгаа гээд бусдаас дор байна гэж бүү бодоорой.Аливааг сайхнаар харж, хичээж, хөдөлмөрлөж чадвал хаана ч хамаагүй өөрийн амьдрах орчныг бүрдүүлж сайхан амьдрах боломжтой.
