Өглөө.мн Шинэ өглөө, Шинэ мэдээлэл
Үерийн улмаас үүссэн хор уршгийг арилгах үйл ажиллагаанд оролцож байгаа алба хаагчдад дэмжлэг үзүүлэх зорилгоор Монгол цэргийн нэгдсэн холбооноос Солонгос дахь андуудтайгаа хамтран 10 мянга гаруй амны хаалт, 400 гаруй зориулалтын хүрз хандивлалаа.
Энэ үеэр “Монгол цэргийн нэгдсэн холбоо”-ны нарийн бичгийн дарга, бэлтгэл дэслэгч генерал Ц.Тогоо “Энэ их ажилд шаардлагатай зүйлсээр нь тусалж, хамтран ажиллаж байгаа олон ажилтан, алба хаагчдад урам өгөх зорилгоор Монгол цэргийн нэгдсэн холбооноос хандивьн арга хэмжээг зохион байгууллаа. Тулгамдаж байгаа асуудлыг шийдвэрлэхэд бага ч гэсэн хувь нэмрээ өгнө гэдэгт итгэл төгс байна. Энх цагийн эгэл баатрууд болох Зэвсэгт хүчин, Онцгой, Цагдаа, Дотоодын цэргийн бие бүрэлдэхүүн болоод бусад хамтран ажиллаж байгаа байгууллагуудын бүх ажилтан, алба хаагчдад ажлын амжилт хүсье. Мөн баярын мэнд дэвшүүлье” гэлээ.
