Б.Энхбаяр:Хууль зүй, дотоод хэргийн сайд Х.Нямбаатар ажлаа сайн хийж байгаа

Нийслэлийн Засаг дарга бөгөөд Улаанбаатар хотын Захирагч Д.Сумъяабазар өчигдөр /2023.10.02/ өөрийн хүсэлтээр ажлаа хүлээлгэн өгсөн. Дараагийн хотын даргад Хууль зүй, дотоод хэргийн сайд Х.Нямбаатарыг томилохоор болжээ.

Хэрэв Х.Нямбаатар хотын даргаар томилогдвол, ХЗДХ-ийн сайдад УИХ-ын гишүүн, Хууль зүйн байнгын хорооны дарга Б.Энхбаяр томилогдох чигтэй байна. Энэ талаар УИХ-ын гишүүн Б.Энхбаяр сэтгүүлчдийн асуултад хариулт өглөө.

Тэрбээр ” Би Ерөнхий сайдтай уулзаагүй. Хууль зүй, дотоод хэргийн сайд Х.Нямбаатар ажлаа сайн хийж байгаа. Х.Нямбаатар тулдаа л хүрч ажиллаж байгаа байх. Ерөнхий сайдад их л түшиг болж ажиллаж байгаа.Ерөнхий сайд бүлгийн хурал дээр энэ сэдвээр огт яриагүй. Сайт дээр мэдээлэл гарахаар гайхаад хараад л байж байна. Ерөнхий сайдын өөрийнх нь бүрэн эрхийн асуудал. Тэр хүн яахаа мэднэ. Өөрөөс нь асуувал. Ирээдүй цаг дээрх сураг ажгаар би хариулах боломжгүй.”гэв.