Цэргийн бүртгэл өнөөдөр 20:00 цаг хүртэл үргэлжилнэ

Нийслэлийн Засаг дарга бөгөөд Улаанбаатар хотын Захирагч нийслэлийн хэмжээнд цэргийн үүрэгтэн, бэлтгэл офицеруудын бүртгэлийг энэ сарын 06-наас 20-ны өдрүүдэд зохион байгуулах тухай захирамж гаргасан. Үүний дагуу цэргийн үүрэгтэн, бэлтгэл офицеруудын 2014 оны бүртгэлийн ажлыг явуулж байгаа юм.

14  хоног үргэлжилсэн тус бүртгэлийг өнгөрсөн амралтын өдрүүдэд ч зохион байгуулсан. Тиймээс бүртгүүлж амжаагүй хүмүүс өнөөдөр оройн 20:00 цагаас өмнө бүртгүүлэх боломжтой аж. Хэрэв энэ хугацаанд амжиж бүртгүүлэхгүй бол хариуцлага хүлээлгэх юм байна.