Засгийн газрын хуралдаан баасан гараг бүр хуралдахаар боллоо

Бямба гарагт болдог байсан Засгийн газрын хуралдаан өнөөдрөөс эхлэн долоо хоног бүрийн баасан гарагт хуралддаг байхаар болсон байна. Энэ нь түр зуурын шийдвэр бөгөөд ирэх хаврын чуулган хүртэл баасан гараг гэсэн хуваариар хуралдах юм.

Шалтгаан нь чуулганы хуралдаантай үед баасан гарагт хуралдах нь ирцийн асуудалтай холбогдоод байсан бөгөөд харин чуулган хуралдахгүй байгаа энэ үед заавал бямба гарагт хуралдах шаардлагагүй гэж үзсэн аж.