“Хүннү эйр” Парис руу нислэг үйлдэхээр бэлтгэж байна

Монголын агаарын тээврийн “Хүннү эйр” компани ирэх зун анхныхаа уртын нислэгийг Парис хот руу хийхээр төлөвлөж байгаагаа мэдэгдлээ. Тус компани нь өмнө нь “Mongolian Airlines” гэх нэртэй байсан бөгөөд А319 онгоцоор үйлчилдэг байсан юм. Тэгвэл 2015 оноос эхлэн А330-200 онгоц худалдан авахаар төлөвлөж байгаа юм байна.

Ямартай ч “Хүннү эйр” компани зургаадугаар сарын 9-нөөс наймдугаар сарын 29-ний өдрүүдэд долоо хоногт хоёр удаа Парисын нислэгийг үйлчлүүлэгчдэдээ санал болгохоор төлөвлөж байгаа аж. Энэ нь Монголын агаарын нислэгийн түүхэн дэх Улаанбаатараас шууд Парис орсон анхны нислэг болох юм байна. Өмнө нь МИАТ компани Улаанбаатараас Берлиний чиглэлд нислэг үйлдэж байсан юм.

Д.Амар