Төсвийн хөрөнгөөр мэндчилгээ зохион байгуулж байгааг зогсоох үүрэг өгчээ

Төрийн болон орон нутгийн захиргааны байгууллагууд салбарын болон орон нутгийн тэмдэглэлт, ой, өдрийг тохиолдуулан төсвийн хөрөнгөөр мэндчилгээ зохион байгуулж байгааг зогсоох үүргийг Засгийн газрын хуралдаанаас холбогдох агентлагийн удирдлагуудад даалгасан байна.

Орон нутгийн ой, тэмдэглэлт баяр, ёслолуудын үеэр тухайн орон нутгийн удирдлагууд нутаг орныхоо иргэдэд хандан мэндчилгээ хүргэдэг. Энэ нь аймаг, орон нутгийнхаа ойг хүндэтгэж, ард түмэндээ мэндчилгээ дэвшүүлэх нь мэдээж байж болох л зүйл. Гэхдээ үүнд төсвийн хөрөнгийг зарцуулах шаардлагагүй гэж Засгийн газрын хуралдаанаас үзжээ.

Д.Амар