УИХ-ын гишүүд ОО-ийн цаастайгаа ажилдаа ирдэг болжээ

Учир нь тэрээр OO-ийн цаасгүй байгааг нь мэдэлгүй орчихсон юм уу даа? Тэгээд их гайхаж бажигдсан тухай л яригдах болов.

Мөн одоогоос хэдэн сарын өмнө УИХ-ын гишүүн М.Зоригт Төрийн ордонд ОО-ийн цаас тасраад хэцүү байгаа талаар жиргэж олон түмний гайхлыг ихэд төрүүлсэн. Гишүүний жиргээ нийгэмд дуулиан тарьж байхтай зэрэгцээд төрийн ордны ОО-иудыг тун шуурхай ОО-ийн цаасаар хангаж байгаа зургийг цахим ертөнцөд байршуулсан.

Сүүлийн үед төрийн ордны ихэнх ОО-иудыг орой ажлын цаг тарахаар дангинатал түгжээд, ОО-ийн цаасуудыг нь хураагаад авчихдаг болсон талаар саарал ордныхон гайхан ярих болов. Шөнө орой сууж ажиллах хүмүүс ОО-ийн цаастайгаа бай. Өөрсдөө олж ир гэсэн үг юм болов уу даа? Бодвол шөнө ОО-ийн цаас нь алга болчихно гэж боддог юм уу? Эсвэл үнэнгээсээ алга болчихдог юм уу? Төрийн ордоныхон шөнө оройн цагаар ажилладаггүй юм болов уу? Ойлгоход төвөгтэй.

Засгийн газрын ордныхон өдрийн цагаар заримдаа хүндрэх гээд ОО-ийн цаас сураглан бие биенийхээ өрөөг татах болоод удсан гэнэ. Яарсан сандарсан, бие өвдсөн, гэдэс гүзээ базалсан үед тун хэцүү гэж саарал ордныхон мэдээлэв. Ингээд арга ядсан саарал ордныхон сүүлийн үед ОО-ийн цаастайгаа ажилдаа ирэх болсон байна.

УИХ-ын зарим гишүүдийн туслахууд дарга нарынхаа ОО-ийн цаасыг ч өрөөндөө бэлдэж эхэлсэн талаар онигоо шиг яриа хөврөх болов. Өөрөөр хэлбэл УИХ-ын гишүүд нь хүртэл ар гэрээсээ ОО-ийн цаасаа авчирч байгаа бололтой.

Энэ бүхэн төрийн ордонд болж байгаа үйл явдалууд. Засгийн газрын ордонд ажиллаж байгаа захын хүн ОО-ийн цаасны хүндрэлийн талаар ам уралдан ярьж эхлэв. Урьд өмнө бол тансаг байсан гэнэ. Хэзээ ч ОО-ийн цаас тасарч байгаагүй аж. Оройн цагаар ОО-ийн цаасаа хурааж авдаггүй байсан аж. Бас гарын алчуур, суултуурын цаас гээд хөглөрч байсан нь түүх болсон байна. Өөрөөр хэлбэл төрийн ордонд хямрал бодитойгоор нүүрлэснээр ийм зүйл болсон гэж ажиллагсад нь тооцох болсон аж. Ингээд эдийн засгийн хямрал Төрийн ордонд морилоод уджээ. Монгол төрийн ордон ОО-ийн цаасаар байн байн тасардаг болсон, ажилчид нь ОО-ийн цаастайгаа ирдэгийг ярих уг нь ичмээр зүйл л дээ.

Төрийн ордон ингэж хямарч байхаар уг нь ОО-ийн цаасны үндэсний хэдэн үйлдвэрлэгчидээсээ гуйх хэрэгтэй л дээ. Гадна, дотны олон хүн байнга зочилдог газар. Өдөртөө гадны олон уулзалт болдог. Бас УИХ-ын гишүүдийн сонгогчид, Ерөнхийлөгчийн Тамгын газар, УИХ-ын тамгын газар, Засгийн газрынхантай уулзах иргэдийн хөл тасрахгүй. Ийм газар ОО-ийн  цаасаар тасарчихсан нь дэндүү эмгэнэлтэй үйл явдал болоод байна.