Өглөө.мн Шинэ өглөө, Шинэ мэдээлэл
ОБЕГ-аас голын мөс цөмрөх аюултай байгааг анхааруулсаар байтал машинаа мөсөнд хавчуулсан хэрэг гарлаа. Нийслэлийн Баянзүрх дүүргийн 26 дугаар хорооны нутаг дахь Туул голын мөсөн дээгүүр зорчиж явсан иргэн Н-ийн 48-35 ДАА улсын дугаартай “Хьюндай Аксент” загварын суудлын автомашин цөмөрсөн мөсөнд суусан тухай мэдээллийг өчигдөр өдрийн 15:42 цагт хүлээн авчээ. Нийслэлийн ОБГ-ын Аврах ангийн зургаан албан хаагч, нэг автомашинтайгаар ажиллан голд цөмөрсөн автомашиныг уснаас татан гаргав.
Эх сурвалж: “Монцамэ” агентлаг
