Хуурамч жолооны үнэмлэх ашиглаж байсан гадаад иргэн баригджээ

 Хуурамч жолооны үнэмлэх ашиглан манай улсын замын хөдөлгөөнд оролцож байсан Казахстан улсын иргэн 20 настай эрэгтэй Р.Э гэгчийг баривчилжээ.

Тодруулбал, өчигдөр Чингэлтэй дүүргийн тавдугаар хорооны нутаг дэвсгэрт байрлах “Тэнгис” кино театрын урд талын зам дээр шалгалт хийж байсан замын цагдаагийн алба хаагч Соната 5 маркийн авто машинтай гадаадын иргэнийг шалгахад хуурамч жолооны үнэмлэх хэрэглэн замын хөдөлгөөнд оролцож байсан нь тогтоогдсон байна.

Түүнийг хуулийн дагуу зургаан сар хүртэлх хугацаагаар ял эдлүүлэх, эсвэл хөдөлмөрийн хөлсний доод хэмжээг 100-150 дахин нэмэгдүүлсэнтэй тэнцэх хэмжээний мөнгөөр торгох ажээ.

Г.Сонор ugluu.mn