Наадмын шөлний хонь 120-230 мянган төгрөгийн үнэ ханштай байна

Монгол түмний баяр наадам  болоход 20 хүрэхгүй хоног үлдлээ. Нийслэлчүүд бид баяр наадмыг тохиолдуулан  хонь мал худалдан авч гарган, шинэ шөл уухыг хичээцгээдэг. Тэгвэл 22-ын товчооны цаана, Эмээлтийн  давааны наана бэсрэгхэн малын худалдааны цэг  бий болжээ. Энэ цэг дээр голдуу баруун аймгуудаас бог мал ачиж ирж, нийслэлчүүдэд борлуулж байна.  Малын үнэ ханш нь  тарга тэвээрэг, наснаасаа хамаарч  120-230 мянган төгрөг байгаа  бол ямаа 100-150 мянган төгрөгийн үнэтэй байна. Мал худалдаалж байгаа малчдын ярьж байгаагаар хонины эрэлт  нэлээд ихтэй байгаа бөгөөд  энд ирээд 1-3 хоногт,  ачиж ирсэн хонио дуусгаад буцаж байгаа гэлээ.

А.Тамир