Зэсийн үнэ буурч байна

 Өчигдрийн байдлаар Лондоны металлын бирж дээр нэг тонн зэсийн vнэ 7000 ам.долларт ч хvрэхгvй болтлоо унажээ. Нэг тонн зэсийн гурван сарын гэрээт vнэ өнгөрсөн пvрэв гарагт 6770 ам.доллар болсон нь сvvлийн гурван жилийн хугацаан дахь хамгийн доод vнийн vзvvлэлтэд дөхсөн хэрэг юм. 

Ийнхvv зэсийн vнэ өн­гөр­сөн долоо хоногт 4.5 хувиар огцом унасан нь зах зээл дэх зэсийн эрэлт тун бага байх төлөвтэй холбоотой ажээ.

Хvрэн металлын эрэл­тийн 40 гаруй хувийг дан­гаараа эзэлдэг Хятадын аж vйлдвэрлэлийн эрчмийн vзvvлэлт тавдугаар сард 49.2 байсан бол энэ сард 48.3 болж буурчээ. Энэ нь зэсийн vнэ ханш буурахад ихээхэн нөлөөлсөн байна.

Нөгөөтэйгvvр Лондоны металлын биржийн агуулах дахь зэсийн нөөц 643 мян­ган тоннд хvрсэн нь 2003 оны долоодугаар сараас хой­ших хамгийн өндөр vзvvлэлт ажээ.

Тvvнчлэн Barclays сан­хvvгийн байгууллагын тоо­цоолж буйгаар энэ жил цэвэр зэсийн нийлvvлэлт эрэлтээсээ 162 мянган тон­ноор илvv байх төлөвтэй байна. Өмнөх жилд уг vзvvлэлт 40 гаруй мянган тонн байжээ.

Зэсийн vнэ одоогийн байдлаар биржvvд дээр ялим­гvй өсч нэг тонн нь 6800 гаруй ам.доллар болоод байгаа ч зах зээлийн шинжээчид уг металлын эрэл­тийн өсөлтөд итгэл муу­тай байна.

эх сурвалж: өглөөний сонин