Сайн чанарын кофег таних арга

Дэлгүүр, кафенд орчихоод зөв, эрүүл мэндэд зохистой кофе сонгож чаддаг болов уу? Кофе уух нэрийдлээр урд хөршид үйлдвэрлэсэн амтгүй, сахар ихтэй кофе ууж, өөрийгөө хордуулж байгаа юм биш биз.

Юуны өмнө өдөр бүр кофе уух нь ямар ашигтай болохыг дурдъя. Сахаргүй, хар кофе ууж заншсанаар жингээ тогтмол барьж, хэт таргалах өвчинөөс эмээхгүй байж болно. Нөгөөтэйгүүр дархлаа, цусны эргэлтийг сайжруулдаг. Цусны эргэлт сайжирвал олон талын ашигтай бөгөөд биеийг сэргээх, ядаргаа сульдаа, сэтгэл гутралаас гарах эерэг нөлөөтэй. Гэхдээ чанаргүй, сахартай кофе уухыг хэлээгүй гэдгийг ямагт санаарай.

Кофе худалдан авахдаа “roasted” хэмээн бичигдсэн эсэхийг нягтлаарай. Мөн худалдан авах гэж буй кофе Францаас ирсэн бол амтны хувьд сул, зөөлөн байдаг. Харин Италиас импортлосон бол гашуун амттай байдаг. Энэ нь өтгөн уух сонирхолтой бүсгүйчүүдийн таалалд ихээхэн нийцнэ.

Италийн хамгийн алдартай кофе үйлдвэрлэгч, нийлүүлэгч бол Illy, Segafredo байдаг. Олон улсад таашаагдсан амттай бөгөөд дэлгүүрт ямар төрлийн кофе худалдан авахаа мэдэхгүй эргэлзэж байвал дээрх амтыг мэдэрхэд хангалттай.

Ихэвчлэн кофе сонгохдоо шууд хараад авч болно. Сайн чанарын кофе бүр дээрх зурагт үзүүлсэн шиг өнгөтэй бөгөөд тариалах явцад химийн ямар нэгэн бүтээгдэхүүнийг ихээр оруулаагүй байдаг гэдгийг санаарай.

эх сурвалж: mongoljingoo.mn