Өглөө.мн Шинэ өглөө, Шинэ мэдээлэл
Чингэлтэй дүүргийн Засаг даргын Тамгын газрын Нэг цонхны үйлчилгээний танхимд шинэчилсэн засвар хийж, 8 дугаар сарын 17-нд ашиглалтад орууллаа. Нээлтийн ажиллагаанд Засаг даргын Тамгын газрын дарга Ж.Эрдэнэбат, Засаг даргын Тамгын газрын Захиргаа, хуулийн хэлтсийн дарга А.Дамцагдорж, Нэг цонхны үйлчилгээний ажилтнууд, иргэдийн төлөөлөл оролцлоо.
Нэг цонхны үйлчилгээний танхимд дүүжин тааз, хоёр агаар шүүгч, халуун, хүйтнээр үлээгч сэнс, Иргэний бүртгэлийн тасагт дарааллын машин шинээр суурилуулж, камержуулах зэрэг засварууд хийснээр иргэд ая тухтай орчинд төрийн үйлчилгээг авах боломж бүрдэж байна. Түүнчлэн ухаалаг дэлгэц суурилуулж иргэдэд мэдээллийг түргэн шуурхай хүргэх юм.
