Өглөө.мн Шинэ өглөө, Шинэ мэдээлэл
Нам, эрх мэдэлтнийг “ёсчлон” дагавал ам тосддогийн жишээг УИХ-ын гишүүн З.Баянсэлэнгэ “баталсан” нэгэн. Одоо тэрбээр шат ахиж бүхэл бүтэн салбарын яамыг толгойлохоор нэр нь яригдаж буй. Мэдлэг боловсрол нимгэн, энэ салбарын талаар “А” ч байхгүй хүнээр удирдуулахаар яригдаж буй хөөрхийлөлтэй энэ салбар бол “Барилга, хот байгуулалтын салбар”.
“Гмшүүд дотроо ганц цалингийн зээлтэй нь”, “гэр хороололд амьдардаг”, “эгэл ардын амьдралаас урлс төрд орж ирсэн” гэх эрээвэр хураавар тодотголууд түүнийг УИХ-ын суудалд тухалсан өнгөрсөн 3 жилд чимж ирсэн.
Өдгөө “гэр хорооллын гишүүн бүсгүй” бүхэл бүтэн бүтээн байгуулалтын голлох салбар болох барилга хот байгуулалтын салбарыг толгойлох нь.
Түүний намтар түүхийг сөхөж харья.
Дүүргийн цагдаагийн газарт ажиллаж байхдаа хүн амины хэрэгт холбогдсон найзаасаа 1.5 сая төгрөг авсан,
МАХН-ын хэсэг нөхөд болох З.Баянсэлэнгэ нарын дөрвөн хүн экс Ерөнхийлөгчийн туслах Б.Тулгыг баривчлах үед прокурор О.Мөнхбаатарын биед халдсан гэх үндэслэлээр шалгагдсан зэрэг “гэмт үйлдлийн” шинжтэй намтар ч бий.
Өнгөрсөн 3 жилд төрд зүтгэхдээ тэрбээр “Тоглоомчин” гишүүн хоч зүүгээд амжсан. Чуулганы танхимд Candy Crash тоглоод сууж байдаг З.Баянсэлэнгэ гишүүн одоо барилга, хот байгуулалтын сайдын өрөөнд тоглох боломжтой болох нь.
Ийм түүх намтартай нэгнээр бүхэл бүтэн салбарыг яамыг толгойлуулахаар зүтгүүлж чадсан Н.Энхбаяр энэ төрд “үнэхээр том” аж.
Өөрийг нь “оройлон дэмжсэн” залуухан бүсгүйг Ч.Сайханбилэгт “шахсаар байгаад” нэрийг нь сайдад өргөн бариулж чадлаа. Харин “тоглоомчин” гишүүн З.Баянсэлэнгийг ангийн хамт олон дэмжих болов уу?
Г.Эрдэм
