Өглөө.мн Шинэ өглөө, Шинэ мэдээлэл
Монголын Үндэсний Маркетингийн Холбооноос санаачлан MARKETING AWARDS-2015 ёслолын арга хэмжээг зохион байгуулахаар болжээ. Энэхүү арга хэмжээний гол зорилго нь Монголын маркетингийн салбарын ололт амжилтыг дүгнэх, ажлын байран дээрхи маркетеруудын үнэлэмжийг нэмэгдүүлэх, маркетер түүний баг хамт олон, байгууллагын санаачилсан, бүтээсэн, хэрэгжүүлсэн биет болон биет бус бүтээл, ажлуудыг олон нийтэд сурталчлан таниулах, шагнан алдаршуулахад оршиж байгаа ажээ.
Тус ёслолын арга хэмжээнд төр, хувийн хэвшил, төрийн бус байгууллага, мэргэжлийн холбоод, нийгэмлэгүүд оролцохоос гадна байгууллагуудын удирдлага, албаны дарга, менежер, мэргэжилтнүүд, их дээд сургуулийн эрдэмтэн багш, судлаачид гэх мэт энэ салбарт хийж бүтээсэн зүйлтэй гэж үзэх хүн бүр оролцох боломжтой юм байна.
