Өнөөдөр Дэлхийн 00-ийн өдөр

Өнөөдөр Дэлхийн ОО-ийн өдөр /World Toilet Day-11 дүгээр сарын 19/ тохиож байна. Бүр /World Toilet Organization” хэмээх Дэлхийн 00-ийн байгууллага байдаг бөгөөд олон улсын ашгийн бус энэ байгууллага 2001 онд 15 гишүүнтэйгээр байгуулагдаж тэр цагаас хойш Дэлхийн 00-ийн өдрийг тэмдэглэж иржээ. Өдгөө энэ байгууллагад дэлхийн 53 орон нэгдэж 151 гишүүнтэй болжээ. Сингапурын иргэн Жек Слим гэгчийн байгуулсан энэ байгууллага 00-ийн ариун цэврийг сайжруулах, хүмүүсийг ая тухтай бие засуулах зорилгоор энэ байгууллагаа байгуулсан бөгөөд гишүүн орнуудынхаа олон нийтийн 00-ийн чанарт санаа тавьж ажилладаг гэнэ. Ямартай ч, өнөөдөр дээрх байгууллагын гишүүн 53 орон “Дэлхийн 00-ийн өдөр”-өө тэмдэглэж, 00-ийн чанараа анхааран үзэж байна.

Э.Төгс