Шанхайд газар доорх зочид буудлын барилгын ажил эхэлжээ

Шанхайд газрын гадаргаас 100 метрийн гүнд байрлах зочид буудал барих барилгын ажил эхэлсэн байна. Тус барилгыг барих төслийг 2012 онд боловсруулж, баталсан бөгөөд ирэх 2017 онд барилгын ажлыг дуусгана гэж үзэж байгаа ажээ.

Зураг төслөөс харахад барилгын хоёр давхар л газрын гадарга дээр харагдах юм. Харин үлдсэн 17 давхар газрын гүнд байх ажээ.

Мөн барилгын зохион байгуулалтыг хамгийн сүүлийн үеийн хэв загвараар шийдвэрлэж байгаа бөгөөд аялал жуулчлал болоод дэлхийн архитектурын хөгжлийг дээд түвшинд аваачих барилгын тухай дэлхийн хэвлэл мэдээллүүд шуугиж эхэлсэн байна.

Эх сурвалж: MNB.mn