Өнөөдөр солгой гартнуудын өдөр

ӨНӨӨДӨР СОЛГОЙ ГАРТНУУДЫН  (International Lefthanders Day) өдрийг  анх удаа 1992 оны энэ өдөр Британийн солгой хүмүүсийн клубын санаачилгаар тэмдэглэсэн бөгөөд өдгөө 21 дэх жилтэйгээ золгож байна.

“Баруун гартнуудын” ертөнцөд амьдарч буй тэдэнд үргэлж ямар нэг байдлаар төвөг, бэрхшээл учирч байдгийг энэ өдөр илэрхийлж, төрөл бүрийн арга хэмжээ зохион байгуулдаг ажээ. Статистикийн мэдээгээр дэлхийн хүн амын 7-10 хувь нь солгой ажээ. Марк Твен, Леонардо да Винчи, Микеланжело, Бетховен, Сергей Рахманинов, Пол Маккартни ба Ринго Старр, Мерилин Монро, Роберт де Ниро нар солгой  гартан байжээ.

Түүхэн хүмүүсээс Юлий Цезарь, Александр Македонский, Наполеон Бонапарт, Карл хаан, Уинстон Черчилль ба Жанна Д’Арк, мөн Америийн сүүлийн үеийн дөрвөн ерөнхийлөгч Рональд Рейган, эцэг Жорж Буш, Билл Клинтон, Барак Обама нар бас л солгой гэнэ.

Монголын солгой гартнууддаа “Дэлхийн солгой гартан”-ны өдрийн мэнд хүргэе

Т.Арама