Д.Отгондалайг 30 сая төгрөг болон сар бүр 2 сая төгрөгөөр урамшуулна

Риогийн олимпийн наадмаас Эрэгтэйчүүдийн боксын 60 кг-ийн жинд хүрэл медалийн болзол хангаад буй Монгол Улсын тамирчин, ОУХМ Д.Отгондалайг Засгийн газраас дараахь байдлаар шагнаж урамшуулна. Засгийн газар олимпийн наадмаас медаль хүртсэн тамирчинг доорх журмын дагуу шагнаж урамшуулж байхаар тогтсон бөгөөд үүнд:

• Алтан медаль хүртсэн тамирчинд нэг удаа 120 сая төгрөг, насан туршид нь сар бүр дөрвөн сая төгрөг
• Мөнгөн медаль хүртсэн тамирчинд нэг удаа 60 сая төгрөг, насан туршид нь сар бүр гурван сая төгрөг
• Хүрэл медаль хүртсэн тамирчинд нэг удаа 30 сая төгрөг, насан туршид нь сар бүр хоёр сая төгрөг олгох юм.

Өөрөөр хэлбэл, Риогийн олимпоос хүрэл медаль хүртсэн Д.Отгондалайг нэг удаа 30 сая төгрөг болон насан туршид нь сар бүр хоёр сая төгрөгөөр урамшуулах юм. Сонирхуулахад, Риогийн олимпийн наадмаас мөнгөн медаль хүртсэн Д.Сумъяад нэг удаа 60 сая төгрөг болон насан туршид нь сар бүр гурван сая төгрөгийн урамшуулал олгох юм.

Төгс