Олимпийн мөнгөн медальт Д.Сумъяа эх орондоо ирлээ

“Рио-2016” олимпийн жүдо бөхийн  эмэгтэйчүүдийн 57 кг-ын жинд мөнгөн медаль хүртсэн Д. Сумъяа өнөө өглөө эх орондоо ирлээ.  Тэрээр жудо бөх төрөлд өрсөлдсөн тамирчидаас  анхны мөнгөн медаль авсан нэгэн билээ. Олимпийн мөнгөн медальтанг “Чингис хаан” нисэх онгоцны буудал дээр Монголын жүдо бөхийн холбоо, “Хилчин” спорт хороо, Увс аймгийн нутгийн зөвлөлийнхөн болон гэр бүл, найз нөхөд нь угтан авч баяр хүргэлээ.