Хуралдааны эхэнд НИТХ-ын нарийн бичгийн дарга М.Буяндэлгэр нийслэлийн Иргэдийн Төлөөлөгчдийн Хурлын Тэргүүлэгчдийн хурлаар хэлэлцэн шийдвэрлэсэн асуудлуудын талаар Төлөөлөгч нарт танилцуулсан байна.
Өнөөдрийн хуралдаанаар Хурлын хороод, дэд хороод түүний эрхлэх асуудал бүрэлдэхүүнийг батлах тухай, Хороодын дарга, дэд хороодын дарга, бүрэлдэхүүнийг батлах тухай хэлэлцлээ. НИТХ-ын МАН-ын бүлгийн дарга Д.Амарбаясгалан нэмэлтээр МАН-ын бүлгээс тэргүүлэгчээр ажиллаж байсан Ж.Батбаясгалан, П.Баярхүү нарыг өөрсдийн хүсэлтийн дагуу чөлөөлж шинээр хоёр төлөөлөгчийг нэмж оруулж хэлэлцүүлж өгөхийг хүссэний дагуу нийтдээ гурван асуудлыг хэлэлцэж шийдвэрлэлээ. Нийт төлөөлөгчдийн 80,5 хувийн саналаар долоон хороо, 11 дэд хороотой, хурлын хороод дэд хороодын дарга, бүрэлдэхүүнийг баталлаа.
“Аз жаргалтай хот” хорооны даргаар Р.Дагва
- Хот төлөвлөлт, байршил, суурьшлыг зохицуулах дэд хорооны даргаар Б.Батнасан
- Орон Орон сууцны хангамжийн дэд хорооны даргаар Х.Хатанбаатар
- Ухаалаг Улаанбаатар дэд хорооны даргаар М.Халиунбат
- Хүний эрх, ёс зүйн дэд хорооны даргаар Ц.Одонтунгалаг
- Эрх зүйн орчны шинэтгэлийн дэд хорооны даргаар Ж.Батсайхан
- Иргэдийн амжиргааны түвшинг дээшлүүлэх дэд хорооны даргаар Б.Мөнхбат
- Хөдөлмөр эрхлэлтийг дэмжих дэд хорооны даргаар М.Эрдэнэтуяа
- Төсвийн зарлагын хяналтын дэд хорооны даргаар Б.Бадарсан
- Хөрөнгө оруулалт, хамтын ажиллагааны дэд хорооны даргаар Ч.Гантулга
- Агаар, хөрс, усны бохирдлыг бууруулах дэд хорооны даргаар Ж.Алдаржавхлан
- Ногоон байгууламжийг хөгжүүлэх дэд хорооны даргаар Б.Бямбадорж
Өргөдлийн хорооны даргаар Б.Сүхбаатар нарыг тус тус ажиллуулахаар боллоо.
Мөн Нийслэлийн иргэдийн Төлөөлөгчдийн Хурал дахь МАН-ын бүлгийн саналын дагуу Тэргүүлэгчээр сонгогдсон Ж.Батбаясгалан, П.Баярхүү нарыг Тэргүүлэгчээс чөлөөлж, төлөөлөгч Б.Сүхбаатар, С.Мөнхчулуун нарыг Тэргүүлэгчээр сонголоо. Хуралдаан үргэлжилж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.