Засаг даргын Тамгын газарт 224 дүгээр цэцэрлэгийн эцэг эхчүүдийн төлөөлөл талархал илэрхийлэв

Дүүргийн хөрөнгө оруулалтаар баригдсан 224 дүгээр цэцэрлэгийн гадна талбайг дүүргийн хөрөнгөөр тохижуулж тоглоомын талбайтай болгосонд эцэг, эхчүүд баяртай байлаа. 224 дүгээр цэцэрлэгийн Эцэг, эхийн зөвлөлийн дарга Ирвэс  Чингэлтэй дүүргийн Засаг даргын Тамгын газрын хамт олонд “Талархал”  илэрхийлсэнийг эцэг, эхчүүдийг төлөөлөн Засаг дарга Ж.Эрдэнэбатад гардууллаа. Тус цэцэрлэгийн Эцэг, эхийн зөвлөлийн дарга Ирвэс “Чингэлтэй дүүргийн Засаг дарга, Засаг даргын Тамгын газраас 7 дугаар хороонд  дүүргийнхээ хөрөнгө оруулалтаар цэцэрлэг байгуулж, гадна талбайг тохижуулж хүүхдийн тоглоомын талбайтай болгосонд бид баяртай байна. 224 дүгээр цэцэрлэгт ашиглалтад орсноор олон залуу гэр бүлд боломж нээгдсэн. Хүүхдээ цэцэрлэгт  оруулсан ээж, аав нар ажил хийж, цаашлаад нийгмийн хандлага, хувь хүний бусадтай харьцах харилцааны соёлд ч өөрчлөлт орсон нь илт анзаарагдаж байгаа” хэмээн онцоллоо.

chingeltei.gov.mn