Өглөө.мн Шинэ өглөө, Шинэ мэдээлэл
Монгол Улсад Япон улсаас суугаа Онц бөгөөд Бүрэн эрхт Элчин сайд Такэнори Шимизү-тэй УИХ-ын гишүүн Д.Ганболд, Чингэлтэй дүүргийн Засаг дарга Ж.Эрдэнэбат нар 2016 оны 11 дүгээр сарын 29-ний өдөр уулзлаа. Манай улсад таван жил Элчин сайдаар ажилласан Т.Шимизүг нутаг буцах болсонтой нь холбогдуулан ийнхүү хүндэтгэл үзүүлэв. Элчин сайд Т.Шимизү Монгол, Япон улсын харилцааг өргөжүүлэн хөгжүүлэх, соёлын солилцоог нэвтрүүлэх ажилд амьдралынхаа 40 орчим жилийг зарцуулсан нэрт дипломатч, Монголч эрдэмтэн судлаач юм.
