Н.Алтанхуяг: “Монголын баялагт монгол хүн эзэн байх”-ын төлөө ажиллана

Ардчилсан намын даргын сонгуулийн сурталчилгаа АН-ын  олон зуун гишүүдийн дунд ид өрнөж байна.

Нэр дэвшигчид  Багцалсан сум мэт хамтдаа явж гишүүд дэмжигчидтэйгээ уулзаж байгаа. АН-ын олон арван гишүүд хэн нь хэн вэ гэдгээ илэрхийлж байгаа ч тэднээс Н.Алтанхуяг тулхтай үг, туршлагатай улс төрчөөрөө ялгарна.

Норовын Алтанхуяг – Монголын улс төрд олон жил “чанагдсан” туршлагатай улс төр, уужуу тайвуу  гүндүүгүй монгол эрийн жишээ болсон нэгэн. Тэрбээр АН-ын даргад гурван шалтгааны улмаас оролцож байгаа илэрхийлсэн.

Нэгдүгээрт: Хагас бүтэн сайнгүй ажиллаж байсан “Шинэчлэлийн Засгийн Газрыг”-ыг нам дамнасан бүлэглэл огцруулж МАНАН-гийн засгийн газар хийж эхэлсэн бүх ажлыг нь зогсоосон. Ийм учраас олон мянган намын гишүүд намын даргад өрсөлдөхийг санал болгож утсаар ярьсан, гар утсаараа богино зурвас бичиж дэвшихийг шаардсан. Хоёрдугаарт: Ардчилал улам хэврэг болж дарангуйлагч нийгэм тогтож байгаа учраас. Гуравдугаарт: Нам дамнасан луйварчид хуйвалдан шударга ёсыг устган Монгол улсын баялгыг цөлмөх гэж байгаа учраас энэ сонгуульд оролцож байгаагаа хэлсэн.

Шинэ оны эхний 7 хоногт монголын телевизүүд 2016 оны онцлох үйл явдлуудыг нэрлэсэн дунд  АН засаг барьж байхдаа Сонгуулийн хуулийг өөрчилсөн, Эрдэнэтийн 49 хувийг Монголд авсан, АН-ын ҮЗХ  хэд хэдэн удаа болсон тухай дурьдагсан. Тэгвэл Н.Алтанхуяг Сонгуулийн хуулийг өөрчлөхийн эсрэг, ҮЗХ-ны хурлыг хуралдуулахын төлөө  дуу хоолойгоо өргөж, зүтгэж байсан нэгэн.

Н.Алтанхуяг өнгөн дээрээ АН-ын даргын төлөө өрсөлдөж байгаа ч үнэн хэрэгтээ  МАНАН-ын бүлэглэлийн эсрэг, Шүүх прокурорын байгууллын шударга бус  үйл хэргийн эсрэг, МАН-ын буруу бодлогын эсрэг “тэмцэж” байгаагийн зэрэгцээ  АН доторхи шударга бус “журмы нөхдүүтэйгээ” ч өрсөлдөж байгаа юм.  Товчхондоо эдгээр “тулааны фронт”-ууд түүнийг АН-ын дарга болгох сонирхолгүй байгаа нь ойлгомжтой.

Гэвч Н.Алтанхуяг ард түмэндээ, АН-ын гишүүд дэмжигчиддээ итгэж сонгуульд оролцож байгаагаа зарласан.  Энэ бүхний дараа  Н.Алтанхуягыг дэмжигчдийн тоо өдрөөс өдөрт өсөн нэмэгдэж байгаа гэнэ. 15 хоногийн дараа АН-ын даргаар Н.Алтанхуяг сонгогдвол “Монголын баялагт монгол хүн эзэн байх”-ын төлөө  АН-ын бодлогыг чиглүүлж тэр ажиллах нь бололтой.

Ц.Мөнх