Өглөө.мн Шинэ өглөө, Шинэ мэдээлэл
Канад Улсын Алберта мужийн Калгари хотод өнгөрөгч нэгдүгээр сарын 23-нд 22 настай Монгол залуу Б.Итгэл буудуулж нас барсан тухай бид өмнө нь мэдээлсэн билээ.
Тэгвэл энэ хэрэгтэй холбогдуулан 18 настай Осама Эффрат Мохамед гэгчийг өнгөрсөн бямба гаригт баривчилсан байна. Толгойдоо буудуулсан хүнд шархтай монгол улсын иргэн Б.Итгэлийг “Pontiac G5” маркийн цагаан машинтай үл таних этгээдүүд “Шелдон Чюмир” эрүүл мэндийн төвийн өмнө орхиод зугтсан юм.
Тухайн үед хохирогч шархаа даалгүй нас барсан харамсалтай явдал болсон бөгөөд гэрчүүдээс авсан мэдээллийн дагуу сэжигтэн хоёр эрийг эрэн сурвалжилснаар Осама Эффрат Мохамед гэгчийг ийнхүү цагдаагийнхан олж баривчлаад байгаа юм байна.
