Малайзад биеэ үнэлж байсан гурван монгол эмэгтэй баригджээ

Малайзын Цагаачлалын албаныхан өнгөрөгч даваа гарагт нийслэл Куала-Лумпур хотын Жалан-Ража-Лаут гудамжинд орших гурван одтой зочид буудалд ажиллаж байсан нууц цэнгээний газрыг илрүүлжээ.

Тус цэнгээний газар гадаадын 28 иргэн байснаас Монголын гурван эмэгтэй байсан байна. Тэд тэнд биеэ үнэлдэг байсан бөгөөд урьдчилсан шалгалтаар эмэгтэйчүүдийг Малайзад 90 хоног оршин суух эрхтэй орж ирээд биеэ үнэлж байсныг тогтоогоод байгаа аж.