Өглөө.мн Шинэ өглөө, Шинэ мэдээлэл
Цэргийн баяр ойртож буй эдгээр өдрүүдэд Өмнөд Суданд энхийг сахиулж буй Монгол цэргүүд гавьяа байгуулжээ.
Өмнөд Судан Улс дахь НҮБ-ын мандаттай “UNMISS” ажиллагаанд Монгол Улсын Зэвсэгт хүчний мото буудлагын батальоны алба хаагч, ахлагч Т.Буянзул, дэд ахлагч О.Цэнд-Аюуш нар аюултай бүсээс хоёр настай хүүхэд илрүүлжээ.
Тэд дүрвэгсдийн хуарангаас явсан хүүхдийг ийнхүү олж, шуурхай арга хэмжээ авснаар бага насны хүүхдийг болзошгүй эрсдлээс аварч чаджээ. Шөнийн 00:00 цагийн үед харуулын хяналтын секторт орон нутгийн гурван иргэн орж ирсэн ба бага насны хүүхэд хайж байгаа нь тодорхой болмогц НҮБ-ын цэргийн цагдаад мэдэгдэж, хүүхдийг эсэн мэнд эцэг, эхэд нь хүлээлгэн өгчээ.
НҮБ-ын цагдаагийн алба болон ДДХ-ын аюулгүй байдлыг сайн дураараа хангадаг “Community Watch Group”-ээс бага насны хүүхдийг гарч болзошгүй эрсдлээс цаг алдалгүй аварсан Монголын дайчдад талархал илэрхийлсэн байна. Дашрамд дурдахад, хүүхдийн нэрийг Ниа Гаак гэдэг юм байна.
