Билл Гэйтс дэлхийн баячуудын жагсаалтыг дөрөв дэх жилдээ тэргүүллээ

Энэ сарын 20-нд Америкийн алдарт “Форбес” сэтгүүлээс жил бүр уламжлал болгон гаргадаг “дэлхийн хамгийн баян 100 хүний жагсаалт”-аа гаргажээ. Тэгвэл 2017 оны энэхүү жагсаалтыг “Майкрософт” корпорацийн эзэн Билл Гэйтс тэргүүлсэн байна. Ингэснээр тэрбээр дэлхийн хамгийн баян хүмүүсийн жагсаалтыг дөрөв дэхь жилдээ дараалан тэргүүлж байна. “Форбес” сэтгүүлийн хувьд 31 жилийн өмнөөс дэлхийн баячуудын жагсаалтыг нийтэлж ирсэн бөгөөд Билл Гэйтс энэ оны жагсаалтад тэргүүлснээр тэрбумтан болсон 23 жилийн түүхэндээ нийтдээ 18 удаа дэлхийн хамгийн баян хүнээр тодорч байна. Дашрамд дурдахад, “Форбес”-ын судалгаагаар жилийн орлого нь их наяд ам.доллараас давсан баячуудын тоо өнгөрөгч оныхоос 13 хувиар өсч, дэлхийн тэрбумтан хүмүүсийн тоо 2043-т хүрсэн байна.