Хятадад шингэн аммиак алдагдсаны уршгаар 15 хүн амиа алдаж 26 хүн хорджээ

Шанхай хот дахь химийн бодис хадгалах байгууламжаас шингэн аммиак алдагдсаны уршгаар 15 хүн амиа алдаж 26 хүн хордсон хэрэг гарлаа.  Энэхүү хэрэг явдал бямба гарагийн 11.00 цагт Шанхайн хойд хэсгийн Баошан дүүрэгт орших хөргөх байгууламжид болжээ. Хорт бодис алдагдаж эхэлснийг аврах албаныхан мэдээд  хэргийн газар дээр яаралтай ирж ажилласан байна. Ажиглагчдын хэлж байгаагаар эдийн засгийн өсөлтийг нэмэгдүүлэхэд гол анхаарлаа хандуулсан Хятадын орон нутгийн удирдлагууд аюулгүй ажиллагааны хууль зохицуулалтыг заримдаа үл ойшоодог учир ийм зүйл боллоо хэмээжээ.  Мэдээллийн эх сурвалж Синьхуа агентлаг

Ugluu.mn