Чуй Сүн Шилийн охин Жонг Ю Ра суллагджээ

Өмнөд Солонгос улсын бизнес эрхлэгч Чуй Сүн Шилийн охин Жонг Ю Ра хоёр хоногийн өмнө эх орондоо албадан хүргэгдсэн билээ.

   Түүнийг эх орондоо хөл тавьсан даруйд буюу Инчоны олон улсын нисэх онгоцны буудлаар баривчилж, саатуулаад байсан юм.

   Экс Ерөнхийлөгч Пак Гын Хе болон бизнес эрхлэгч Чуй Сүн Шилийн нарын авлигын хэргийг шалгаж байгаа цагдаагийн газраас Жон Ю Рагаас хоёр өдрийн турш байцаалт авсан ба улмаар түүнд эрүүгийн хэрэг үүсгэх шаардлагагүй гэж үзсэн тул суллажээ.

   Жонг Ю Раг цаашид гадуур байцаах бөгөөд ингэснээр тэрээр ээжийнхээ шалгагдаж байгаа авлигын хэрэгт огт хамаагүй болж байгаа юм.