Өглөө.мн Шинэ өглөө, Шинэ мэдээлэл
Манай хойд хөршид гэмт хэрэг мафи гэдэг зүйл асар өндөр түвшинд хөгжиж хүчээ авсан. Гэтэл сүүлийн жилүүдэд цэвэрхэн гэж хэлж болох кибер луйвар хүчээ авч санхүүгийн байгууллагуудыг эргүүтүүлэн мөнгийг нь луйвардсаар байна.
ОХУ-ын санхүүгийн салбар өнгөрсөн жил интернэт луйвраас болж 615 сая ам.долларын хохирол амссан гэдгийг ИТАР-ТАСС мэдээлж байна. Энэхүү тооцоог Кибер гэмт хэргийг судалдаг Group IB компани хийсэн байна.
Банкны интернэт үйлчилгээнээс гэхэд 446 сая ам.долларын хохирол гарчээ. Тэрчлэн иргэдийн банкны картын өгөгдлийг ашигласнаас 57 сая ам.долларын алдагдал хүлээсэн аж. ОХУ-аас энэхүү гэмт хэрэгт кибер гэмт хэргийн 12 бүлэглэлийг буруутгаж байгаа юм. Эдгээрийн найман бүлэг нь хуулийн этгээдийн банкны дансаас мөнгө авахдаа гаршсан гэнэ.
