ЕБС-ийн нэгдүгээр ангийн нэг бүлэгт дунджаар 40-43 хүүхэд суралцаж байна

Хичээлийн шинэ жил эхэлсэнтэй холбогдуулан Үндэсний Статистикийн хорооноос гаргасан нийслэл дэх сургуулийн өмнөх боловсрол болон ЕБС-ийн сургуулийн зарим үзүүлэлтийг гаргажээ. Тухайлбал энэ хичээлийн жилд нийслэлийн хэмжээнд 2-5 насны 22.1 хувь нь цэцэрлэгт хамрагдаж чадаагүй бол нийслэлд үйл ажиллагаа явуулж буй нийт цэцэрлэгүүд 62.5 хувиар хүчин чадлаа давуулан хамруулжээ.

Үүнээс гадна ЕБС-ийн нэгдүгээр ангийн нэг бүлэгт дунджаар 40-43 хүүхэд суралцаж шинээр элссэн бол хувийн сургуулийн нэгдүгээр ангийн нэг бүлэгт гэхэд 13-21 хүүхэд ногдож байгаа аж.