Өглөө.мн Шинэ өглөө, Шинэ мэдээлэл
Дэлхийд хамгийн их уншигчтай сэтгүүлийн тоог тэргүүлдэг алдарт эрчүүдэд зориулсан Playboy сэтгүүлийн үүсгэн байгуулагч Хью Хефнер 91 насандаа таалал төгсжээ. Тухайлбал Хью Хефнерийн гэр бүлийн гишүүд таалал төгссөн гэх мэдээллийг баталжээ. Тэрбээр 1953 оны 12 дугаар сард Play Boy сэтгүүлийнхээ анхны дугаарыг хэвлэлтэд өгсөн түүхтэй.
Түүнээс хойш сэтгүүлийн эрхлэгчээр хамгийн удаан ажиллаж байгаа (60 гаруй жил) нэгэн төдийгүй сонингийн хамгийн олон цуглуулгатай гэдгээрээ “Гиннессийн дэлхийн дээд амжилтууд” номонд бүртгэгджээ. Түүний талаарх сонирхолтой баримтууд байдаг. Хью Хефнер чөлөөт цагаараа зураг зурах, нийтлэл бичих дуртай. Тэрбээр унтлагын торгон цамцаараа стиль имижээ бүрдүүлсэн бөгөөд 120 гаруй төрлийн торгон цамцтай ажээ. Мөн түүнчлэн кинонд нугасгүй түүний цуглуулгад 4000 гаруй кино бий. Алдартнуудын нэрээр нэрлэсэн олон амьтан бий. Тэгвэл Hugh Hefner – ийн нэрээр нэрлэсэн туулай байдаг ба энэ нь нэн ховор үүлдрийн (Sylvilagus Palustris Hefneri) туулай юм.
Хамгийн сүүлд 60 насаар дүү модель Кристал Хефнертэй гэрлэж шуугиан дэгдээсэн билээ. Мөн сэтгүүлийнхээ үйл ажиллагааг бага хүү Куперт шилжүүлсэн байна.
