Өглөө.мн Шинэ өглөө, Шинэ мэдээлэл
АНУ-ын Лас Вегас хотын казиногийн ойролцоо өнгөрсөн ням гарагт кантри хөгжмийн наадам болж өнгөрчээ. Энэ үеэр зэвсэгт этгээд олны хэсэг рүү гал нээсэн байна. Халдлага орон нутгийн цагаар 22.30 цагийн орчимд болж 50 хүн амиа алдаж, 400 хүн шархадсан харамсалтай хэрэг гарчээ. Хэргийг 64 настай Стефан Паддок гэгч үйлдсэн бөгөөд гэмт этгээд Мандалей Бей буудлын 32 давхраас гал нээжээ. Цагдаа нар зочид буудал руу дайран орж зэвсэгт этгээдийг хөнөөхөөр орсон боловч цагдаа нарыг ирэхээс өмнө амиа егүүтгэсэн байжээ. Уг халдлагагыг АНУ-ын түүхэнд гарсан хамгийн олон хүний аминд хүрсэн хэрэг боллоо гэж шинжээчид дүгнэж байна.
