ЭМЯ сайд Амарсанаа “Өвдөлт намдаах менежмент нийгмийн идэвхитэй үйл ажиллагаа сэргээнэ”

Эрүүл мэндийн дэд сайд Ж.Амарсанаа “Өвдөлт намдаах менежментийг хөгжүүлэх нь” сэдэвт олон улсын бага хуралд оролцох үеэрээ “Өвдөлт намдаах менежментийг бид амжилттай хөгжүүлж чадсанаар  нийгмийн идэвхитэй үйл ажиллагаа сэргэнэ.

Учир нь иргэд өвдөлт зовиураас болж хөдөлмөр эрхлэх чадваргүй болдог цаашлаад идэвхи нь буурч үйл явц удааширдаг. Харин энэхүү өвдөлт намдаах менежментийг хөгжүүлсэнээр иргэд  нас өндөр болтлоо нийгмийн идэвхтэй үйл ажиллагаанд оролцож, хөдөлмөрийн бүтээмж сайжирч эхэлнэ.

Энэхүү менежментмийг хөгжүүлснээр хөдөлмөрийн бүтээмж сайтай хүмүүсийн тоог нэмэгдүүлэх, эдийн засгийн хувьд нийгмийн халамжид зарцуулах санхүүгийн хэмжээ багасах зэрэг олон эерэг талтай юм.

Тиймээс “Өвдөлт намдаах менежментийг хөгжүүлэх” тал дээр Монгол Улсын Эрүүл мэндийн салбарыг дэлхийн жишигт хүртэл анхаарч ажиллах хэрэгтэй бөгөөд цаашдаа эмнэлэг бүр өвтөлт намдаах мэргэшсэн эмчтэй болох зорилго тавин ажиллана” хэмээн мэдэгдсэн юм.