Өглөө.мн Шинэ өглөө, Шинэ мэдээлэл
“Blue” хамтлагийнхан Өчигдөр 22:00 цагт Монголд газардсан бөгөөд тэднийг тосохоор очсон фэнүүд нь хамгийн түрүүнд Саймон гэж орилдон түүнд хайраа илчилж байлаа. “Blue” хамтлагийн ганц сондгой нь болох хар арьс Саймон Монголд нөгөө гурваасаа илүү шүтэн бишрэгчтэй нь харагдсан юм.
“Blue” хамтлагийн залуус өнөөдөр 13.00 цагт МҮХАҮТ-ын дэргэдэх “Corporate Convention Center”-т сэтгүүлчидтэй уулзаж, Монголд хийх тоглолтынхоо талаар дэлгэрэнгүй мэдээлэл өгөх юм.
Сануулахад, тоглолт 19.00 цагт эхлэх бөгөөд 17.30 цагаас эхлэн үзэгчид Төв цэнгэлдэх хүрээлэнд нэвтрэх боломжтой юм. Тоглолтын тасалбар тун цөөхөн үлдсэн бөгөөд өнөөдөр тоглолтын тасалбарыг зөвхөн Төв цэнгэлдэхийн хүрээлэнгийн гадна байрлах явуулын цэгүүдээр худалдаална гэсэн шүү. Үнийн тухайд 30000 ба 60000, 150.000 төгрөгийн үнэтэй юм.
Зураг дээр үзүүлсэнчлэн цэнхэр өнгийн 3, 12, 16 дугаар хаалга, үзмэн ягаан өнгийн 4, 5, 6, 13, 14, 15 дугаар хаалгаар 30 мянган төгрөгийн тасалбартай үзэгчид нэвтрэх бол саарал өнгийн 1, 2, 17, 18, шар өнгийн 7 дугаар хаалгаар 60 мянган төгрөгийн тасалбартай үзэгчид харин ягаан өнгийн 19 дүгээр хаалгаар зөвхөн VIP суудлын үзэгчид нэвтрэх юм байна.
