Австралийн биохимич”Монголизм” хэмээх нэршлийг хэрэглэсэндээ уучлал гуйв

Австралийн биохимич, зохиолч эмэгтэй Либби Уйвер “Би юу идэх ёстой вэ”( What Am I Supposed to Eat?) номондоо дауны синдромыг тодорхойлохдоо “монголизм” гэсэн нэршил ашигласандаа уучлал гуйжээ. Тэрээр уншигчидаас албан ёсоор уучлалт гуйж, хүлцэл өчин бичлэг хийн цацсан байна. Үүгээр ч зогсохгүй зах зээлд гаргасан байсан 20 мянган номоо эргүүлэн татаж буйгаа мэдэгдсэн байна. “Монголизм гэдэг үгийг би одоо ч анагаах ухааны салбрат ашигласан хэвээрээ гэж бодож байсан. Энэ үгийг доромжилсон утгаар ч хэрэглэдэг гэдгийг мэдэж авлаа. Миний энэ алдаа хэн нэгэнд таагүй сэтгэгдэл төрүүлсэн байж магадгүй. Үнэхээр, үнэхээр харамсаж уучлал гуйж байна” гэж Либби Уйвер хэлжээ.