BEIJING, CHINA - NOVEMBER 12: The plainclothes policemen guard in front of Tiananmen Gate outside the Great Hall of the People where the Communist Party's 205-member Central Committee gathered for its third annual plenum on November 12, 2013 in Beijing, China. The 18th Central Committee of the Communist Party of China (CPC) approved a decision on "major issues concerning comprehensively deepening reforms" at the close of the Third Plenary Session of the 18th CPC Central Committee on Tuesday. (Photo by Feng Li/Getty Images)

БНХАУ ирэх онд авлигатай тэмцэх тусгай байгууллагатай болно

2017 оны 11 сар 8 / 16 цаг 42 минут Гадаад мэдээ

Хятад Улс ирэх онд Ерөнхийлөгч Ши Жинпиний авлигатай тэмцэх кампанит ажлыг өргөжүүлэх зорилгоор авлигатай тэмцэх тусгайлсан хороо байгуулах хууль батлахаар ажиллаж байна.

Сахилга бат хянан шалгах төв хорооноос мэдээлснээр ирэх онд болох Хятадын парламентын жил тутмын хурлаар дээрх алхмыг хийхээр төлөвлөж байгаа аж. Тус хорооны шинэ дарга Зао Лежиний мэдэгдсэнээр шинээр байгуулагдах хороо нь авлигатай тэмцэхэд “өргөн хүрээний ялалт” байгуулж, албан хаагчид авлигын хэрэгт огт холбогдохгүй байх эрх зүйн орчинг бүрдүүлэх ёстой гэсэн байна.

Шинээр байгуулагдах Үндэсний хяналтын хороо нь Сахилга бат хянан шалгах хороотой зэрэгцэн ижил эрх мэдэл, нөөц бололцоотой ажиллах бөгөөд бусад авлигатай тэмцэх нэгжүүдийг мөн өөртөө нэгтгэх юм. Тус хороо нь зөвхөн намын гишүүдээс гадна төрийн мэдлийн бусад байгууллагын албан хаагчдыг мөн шалгах эрхтэй байх аж. 2012 онд Ши Ерөнхийлөгч сонгогдсоноос хойш түүний нэрийн хуудас болох авлигатай тэмцэх тэмцлийн хүрээнд 1.4 сая намын гишүүд авлигын хэргээр яллагджээ.

Сахилга бат хянан шалгах хороо нь хэргийг шалгаж дууссаныхаа дараа яллуулахаар цагдаа, эсвэл прокурорт шилжүүлдэг бөгөөд олон улсын хүний эрхийн байгууллагуудаас хэрэг хүлээлгэхийн тулд нойр хасах зэргээр тамлан зовоох арга хэрэглэдэг хэмээн ихээхэн шүүмжилдэг.

Эх сурвалж:АТГ

БНХАУ ирэх онд авлигатай тэмцэх тусгай байгууллагатай болно

Холбоотой мэдээ

Санал болгох мэдээ