В.Путин ерөнхийлөгчийн сонгуульд нэр дэвшинэ гэв

ОХУ-ын ерөнхийлөгч Владмир Путин өчигдөр Нижний хот дах ГАЗ автомашины үйлдвэрт зочлох үеэр ирэх оны ерөнхийлөгчийн сонгуульд өрсөлдөнө гэдгээ анх удаа зарласан байна. Тухайлбал ирэх оны гуравдугаар сард болох сонгуульд ялбал гурав дах удаагаа улиран сонгогдож ОХУ-г удирдана гэсэн үг юм. Өдгөө 65 настай В.Путин 2000 оноос хойш ерөнхийлөгч, ерөнхий сайд зэрэг албыг хашиж ирсэн түүхтэй. Хэрэв В.Путин сонгуульд ялалт байгуулбал 2024 он хүртэл ерөнхийлөгчийн албыг хаших юм. Тэрбээр үйлдвэрт зочлох үеэр Тиймээ би ерөнхийлөгчийн сонгуульд нэр дэвшиж өрсөлдөнө гэж хэлжээ. Нэр дэвшигчдийн сонгуулийн кампанит ажил энэ сард эхэлнэ.