Х.Тэмүүжин: “Үүнийг хэрэглэж болно гэж бодож байгаа хүмүүсийг өөрийг нь суулгах хэрэгтэй”

Өнгөрсөн хавар  цагдаагийн байгууллага мөрдөн байцаалтын явцад  сэжигтнээс байцаалт авахдаа хэрэглүүлэх зорилгоор “Хүлдэг сандал”  тараасан нь олон нийтийн сонорт хүрч ихээхэн шуугиан тарьсан. Эл хэргийг Хууль зүйн сайд Х.Тэмүүжин тухайн үед өмнөх сайдтай холбоотой гэж мэдэгдэж байсан бол цагдаагийн удирдах ажилтнууд   мөрдөн байцаагчид  гэмт хэрэгт холбогдогчийг байцаах явцад удаа дараа халдлагад  өртөж байсан учраас ийм сандал хэрэглэх болсон тухай  дуулгасан ч сайдын тушаалаар эдгээр сандлуудыг тараагдсан аймгуудаас эргүүлэн татаж болсныг мэдэгдэж байсан. Тэгвэл өчигдөр  Хууль зүйн сайд  Х.Тэмүүжин жиргээчдэд  нөгөө “алдарт   сандал”-ын зургийг үзүүлж, “Үүнийг иргэдэд хэрэглэж болно гэж бодоод байгаа эвэртэнгүүдэд өөрсдийг нь энэ сандал дээр суулгах…” гэж жиргэжээ. Мөн жиргээчдийн дундаас “мөрдөн байцаагчид халдлагад өртсөн тухай” асуусан асуултад Х.Тэмүүжин  сайд хариулахдаа: “ийм дайны  халдлагыг хариулж, зогсоож чадах чадвартай  мэргэжилтнүүд бэлтгэгдэх ёстой”  гэж хариулна билээ. Ямартай ч хүний эрхийг  зөрчсөн, сэжигтнийг сэтгэлзүйн хүнд дарамтанд оруулахуйц эл сандлыг Х.Тэмүүжин сайдын үед хэрэглэхгүй нь сайн хэрэг боллоо.